Vunderkind bolalar siri yoki miyani oziqlantiruvchi 10 mahsulot

Vunderkind bolalar siri yoki miyani oziqlantiruvchi 10 mahsulot

1251
0

Ba`zi ota-onalar farzandlarining maktabda past baholar olayotganidan, intellektual salohiyatining past ekanligidan shikoyat qilishadi. Ba`zan uyda farzandlariga qancha ko`p dars tayyorlashni mashq qildirmasin, baribir ularda hech bir o`zgarish sezilmayotganidan xafa bo`lishadi.

Ammo hamisha ham a`lo baholarga o`qish bolaning intellektual salohiyatiga bog`liq bo`lavermaydi. Xo`sh, unda bu jarayonni qanday baholash mumkin? Mutaxassislarning aniqlashicha, bunday holatga ko`pincha bola organizmi, ayniqsa uning miyasi talab qilayotgan vitaminlar yetishmasligi sabab bo`lar ekan. Demak, bir o`ylab ko`ring, farzandingiz vitaminga boy mahsulotlarni tanovvul qilayaptimi?
Maqolamiz davomiga ko`z yugurtirsangiz, ayni farzandingizbop, ya`ni ularning miya faoliyatini faollashtirib, intellektual salohiyatini ko`taruvchi mahsulotlar haqida ma`lumot beramiz.

    1. BALIQ. Baliq tarkibida miya ishini faollashtiruvchi moddalar bor. Bu moddalar «aqlli» bolakaylarning ko`payishi uchun xizmat qiladi. Ayniqsa baliq tarkibida uchrovchi omega-3 yog` kislotasi miya faoliyati uchun zarur modda hisoblanadi. Baliqdan tayyorlangan taomlarni iste`mol qilish bolaning zehnli bo`lib o`sishini ta`minlash bilan birga, uning kuchli va sog`lom bo`lishida ham katta ahamiyatga ega.

    2. TUXUM. Tuxum bola organizma sog`lom o`sishi uchun uni kerakli vitaminlar bilan ta`minlaydi. Tuxum tarkibidagi kal'ciy moddasi suyaklarni mustahkamlaydi. Tuxum sarig`i tarkibidagi xolin moddasi esa xotiraning kuchli bo`lishi uchun xizmat qiladi. Tuxum sarig`i ayniqsa maktab yoshidagi bolalarga tavsiya etiladi. Bu ularning zehnini kuchaytirishdagi eng yaxshi vosita.

    3. E DARMONDORISI. Ushbu darmondori undirilgan bug`doy, suli, yeryong`oq tarkibida ko`p miqdorda uchraydi, E vitamini miyadagi asab qavatlarini himoya qiluvchi eng kerakli vitamin hisoblanadi. Bolakay taomnomasiga E vitaminiga boy taomlarni kiritish zarur. Bu uning kuchli idrok egasi bo`lishiga xizmat qiladi.

    4. KERAK. Miya me`yoriy faoliyat yuritishi uchun muayyan miqdorda glyukoza talab kiladi. Kepak tarkibida esa glyukoza yetarli miqdorda uchraydi. Shu bilan birga uning tarkibida biriktiruvchi to`qimalar mavjudligi hisobiga ham bolakay uchun juda zarur sanaladi. Kepak tarkibida asab tizimini oziqlantiruvchi V guruhidagi vitaminlar ham mavjud. Shu sababli tozalanmagan bug`doydan, kepagi olinmagan undan tayyorlangan nonlarni iste`mol qilib turish tavsiya etiladi.

    5. SULI YORMASI. Suli - bola uchun eng yaxshi nonushtadir, chunki uning tarkibida E, V vitaminlari, potassium va ruh moddalari mavjud. Mazkur element va vitaminlar farzandingizga o`zining intellektual salohiyatini to`la namoyon etishga ko`maklashadi. Meva va sabzavot sharbatlari tarkibiga sulini qo`shib iste`mol qilish farzandingiz uchun juda foydali. Siz har tongda farzandingizga suli yormasi ko`shib tayyorlangan taomlar tayyorlab berishga odatlaning.

    6.  MEVALAR. Qulupnay, qoraqat (smorodina), olcha, malina, o`rik, yer-tut singari mevalar eng avvalo saraton kasalligining oldini oluvchi antioksidant (antioksidlovchi)larga ega ekanligi bilan foydali sanaladi. Shu bilam birga tarkibida xotirani yaxshilovchi moddalarga, jumladan omega-3 kislotasiga boyligi bilan ajralib turadi. Farzandingizga o`zi sevib iste`mol kiladigan mevalarni istaganicha yeyishiga qo`yib bering.

    7. DUKKAKLI MAHSULOTLAR. Loviya, no`xat, yasmiq doni va boshqa dukkaklilar tarkibid a protein, murakkab uglevodlar (qondagi qand modda si miqdorini unchalik oshirmaydigan), biriktiruvchi to`qimalar (qonga qancha miqdorda glyukoza tushishini boshqaruvchi A vitaminlar va minerallar ko`p miqdorda mavjudligi tufayli o`sish jarayonida juda katta ahamiyatga ega.   Shu bilan birga miyani kerakli vitaminlar bilan ta`minlaydi. Farzandingizga tayyorlaydigan taomingiz tarkibida dukkakli mahsulotlar borligiga ahamiyat bering. Shuni ham unutmaslik kerakki ba`zi dukkakli mahsulotlar allergik ta`sir qo`zg`atishi mumkin. Shu bois eng avvalo farzandingizda bunday nojo`ya ta`sir kuzatilmasligiga e`tiborli bo`ling.

    8. SABZAVOTLAR. Pomidor, baqlajon, oshqovoq, sabzi, bulg`or qalampiri, makkajo`xori, bodring va boshqa sabzavotlar tarkibida shikastlangan to`qimalarni tiklovchi katta miqdopda antioksidantlar mavjud. Shu sababli yangi uzilgan sabzavotlardan  tayyorlangan sharbatlar bolakaylarning o`sishi uchun beminnat xizmat qiladi. Farzandingizga kechki uyquga yotishdan bir soat oldin sabzavotli sharbat yoki salatlar tayyorlab tering. Nonushta uchun tayyorlangan sabzavotli bo`tqalar ham bu borada juda foydali.

    9. SUT MAHSULOTLARI. Sut mahsulotlari protein va V guruhi vitaminlariga boy. Bu soddalar miya to`qimasining o`sishi va faollashuvi uchun juda zarur. Shu bilan birga bolakayning kuchli bo`lishini ta`minlab, xotirasining yaxshilanishiga yordam beradi.

    10. GO`SHT MAHSULOTLARI.  Go`sht — temir va ruh - moddasining manbai. U miya faoliyatini yaxshilashga yordam beradi. Go`shtni S darmondorisiga boy ozuqa mahsulotlari (pomidor, bulg`or qalampiri)   bilan birga iste`mol kulish organizmining temir  moddasini   yaxshi  hazm   bo`lishiga ko`maklashadi.  Go`sht mahsuloti bolaning baquvvat bo`lib o`sishini, kuchli idrok egasiga aylanishini ta`minlaydi.

    Yuqorida keltirib o`tilgan barcha mahsulotlar bolakayning kundalik taomnomasiga kiritilgan bo`lishi lozim. Bundan tashqari, barcha vitamin va minerallarga boy mahsulotlardan ham yetarlicha iste`mol qilish tavsiya qilinadi.

 Sevara Toshmuqimova

1 ta ovoz

Ovoz berish:
1 2 3 4 5

SHARE

Komment qoldirish